उमरगा येथे शिवविवाह संपन्न - समाज विकास संस्थेने केले होते आयोजन

लोहारा प्रतिनिधी -

उमरगा येथील समाज विकास संस्थेच्या वतीने शनिवारी ( दि. 20) उमरगा तालुक्यातील जवळगा येथील अमरसिंग कुंदनसिंह आणि पुणे येथील पुजा यांचा शिवविवाह संपन्न झाला. उमरगा येथील वात्सल्य बालगृह या ठिकाणी हा शिवविवाह सोहळा संपन्न झाला. या विवाह सोहळ्या प्रसंगी समाज विकास संस्थेचे सचिव भूमिपुत्र वाघ, अनाथाची आई विद्याताई वाघ, सारिका लोंढे, शालिनी पाटील, ज्योती राजपूत, कृष्णा पाटील, सारिका लोंढे, सुमन कावळे उपस्थित होते. या नवदाम्पत्यांनी छत्रपती शिवाजी महाराज, भारतरत्न डॉ बाबासाहेब आंबेडकर यांच्या प्रतिमेचे पूजन करून आशिर्वाद घेतले व वैवाहिक आयुष्याची सुरुवात केली. समाज विकास संस्थेच्या वतीने करण्यात आलेल्या ह्या विवाह सोहळ्याचे सर्वत्र कौतुक केले जात आहे.