लोहारा येथील न्यू व्हिजन इंग्लिश स्कुलमध्ये कौमी एकता सप्ताह साजरा

प्रतिनिधी / लोहारा

लोहारा येथील न्यू व्हिजन इंग्लिश स्कुलमध्ये सोमवारी ( दि. २५) कौमी एकता सप्ताह साजरा करण्यात आल्या. तसेच महाराष्ट्राचे पहिले मुख्यमंत्री दिवंगत यशवंतराव चव्हाण यांच्या स्मृतिदिना निमित्त  पूजन करण्यात आले. यावेळी मुख्याध्यापक शहाजी जाधव यांच्या हस्ते स्व. यशवंतराव चव्हाण यांच्या प्रतिमेचे पूजन करून त्यांचे जीवनचरित्रावर प्रकाश टाकला आणि भारत हा देश विविधतेने नटलेला असुन त्या विविधता गुण्यागोविंदाने हजारो वर्षपासून एकत्र नांदत आहेत त्यासाठी आपण हिंदू, मुस्लिम शीख, इसाई - हम सब है भाई भाई असे म्हणत सर्वांनी एकत्र येऊन आपण भारतीय असल्याचे जगासमोर दाखवून दिले आहे असे सांगत विद्यार्थ्यांना मार्गदर्शन केले. यावेळी स्कुलमधील विद्यार्थ्यांनी, पंजाबी, गुजराती, तमिळ आणि महाराष्ट्रातील मराठी, मुस्लिम, कोळी, ब्राह्मण, धनगर, लिंगायत अशा विविध वेशभूषेत येऊन विविधतेतून एकता म्हणजेच कौमी एकता सप्ताह साजरा केला. कार्यक्रमाचे सूत्रसंचालन पर्यवेक्षक सिद्धेश्वर सुरवसे यांनी तर आभार सविता जाधव यांनी मानले. कार्यक्रम यशस्वी करण्यासाठी शिक्षक रामेश्वर पंजरकर, अनंत समदळे, परमेश्वर जाधव, रवींद्र चव्हाण, पूजा दाळिंबकर , हिना सौदागर, शीतल खराडे यांनी परिश्रम घेतले.