प्रतिनिधी / लोहारा
राष्ट्रवादी काँग्रेसचे अध्यक्ष खा. शरदचंद्रजी पवार यांच्या वाढदिवसानिमित्त लोहारा तालुका राष्ट्रवादी युवक काँग्रेस, विद्यार्थी काँग्रेस, युवती काँग्रेस यांच्या वतीने लोहारा शहरातील भानुदासराव चव्हाण महाविद्यालयात शुक्रवारी ( दि. ३) महाविद्यालयीन विद्यार्थ्यांसाठी तालुकास्तरीय वक्तृत्व स्पर्धा घेण्यात आली.
या कार्यक्रमाच्या अध्यक्षस्थानी सुनील साळुंके होते. यावेळी पं स चे माजी सभापती आसिफ मुल्ला, प्राचार्य डी. एस. बिराजदार, उपप्राचार्य विरभद्रेश्वर स्वामी, युवक तालुकाध्यक्ष माधव पाटील, विद्यार्थी तालुकाध्यक्ष पृथ्वीराज जगताप, युवक शहराध्यक्ष निहाल मुजावर, सतीश सुर्यवंशी, प्रकाश भगत, दादा पाटील, संजय जाधव, शैलेश चंदनशिवे, सुमित कदम, संकेत आनंदगावकर, मतीन शेख, राहुल चव्हाण यांची प्रमुख उपस्थिती होती. यावेळी अनेक स्पर्धकांनी या वक्तृत्व स्पर्धेत सहभाग नोंदवला. या स्पर्धेत मोहिनी बालाजी मोरे प्रथम, सृष्टी सुधाकर चव्हाण द्वितीय, गोपिका शिवकुमार स्वामी हिने तृतीय क्रमांक पटकावत जिल्हास्तरीय स्पर्धेसाठी पात्र झाले आहेत. स्पर्धेत सहभागी झालेल्या सर्व स्पर्धकांना मान्यवरांच्या हस्ते प्रशस्तीपत्र देण्यात आले.
No comments:
Post a Comment