लोहारा तालुक्यातील होळी येथील जि. प. प्रा. शाळेच्या शाळा व्यवस्थापन समितीच्या अध्यक्षपदी दिगंबर पवार यांची तर उपाध्यक्षपदी लक्ष्मण राठोड यांची निवड

लोहारा प्रतिनिधी -

लोहारा तालुक्यातील होळी येथील जि. प. प्रा. शाळेच्या शाळा व्यवस्थापन समितीच्या अध्यक्षपदी दिगंबर पवार यांची तर उपाध्यक्षपदी लक्ष्मण राठोड यांची निवड करण्यात आली.
               शाळा व्यवस्थापन समितीची निवड करण्यासाठी शनिवारी ( दि. 13) पालक सभेचे आयोजन करण्यात आले होते. अध्यक्षस्थानी शाळेचे मुख्याध्यापक अशोक रोडगे हे होते. यावेळी शिक्षक वनराज सुर्यवंशी यांनी शासन निर्णयाचे वाचन करुन समितीसाठी आवश्यक माहिती दिली. उपस्थित पालकांनी सदस्यांची निवड केली. सदस्य निवडीनंतर एकमताने दिगंबर पवार यांची अध्यक्ष म्हणुन तर लक्ष्मण राठोड यांची उपाध्यक्ष म्हणुन निवड केली.
या शाळा व्यवस्थापन समितीच्या सदस्य म्हणून सुषमा मडूळे, छाया गायकवाड, रोहिणी गायकवाड, अपेक्षा पाटील, विठ्ठल गायकवाड , बळीराम सुरवसे, विठ्ठल जमादार, बजरंग जाधव, केशव सरवदे यांची निवड करण्यात आली आहे. यावेळी नवनिर्वाचित सर्व सदस्यांचा शाळेच्या वतीने सत्कार करण्यात आला. शाळा व्यवस्थापन समिती निवडीप्रसंगी शाळेतील शिक्षक गणेश वाघमारे, प्रमोद माने, सतीश माळी, चंद्रकांत सौदागर, विलास नेलवाडे यांनी परिश्रम घेतले.