लोहारा तालुक्यातील अचलेर येथील फिनिक्स फाउंडेशन येथे शिवजयंती साजरी

प्रतिनिधी / लोहारा

तालुक्यातील अचलेर येथील फिनिक्स फाऊंडेशन च्या वतीने शिवजयंती साजरी करण्यात आली. यावेळी विद्यार्थ्यांसाठी विविध उपक्रम राबविण्यात आले.

            यावेळी छत्रपती शिवाजी महाराज यांच्या प्रतिमेचे पूजन मुख्याध्यापक रामसिंग चव्हाण यांच्या हस्ते करण्यात आले. यावेळी सामाजिक कार्यकर्ते मल्लिनाथ अष्टगे, जगदीश सुरवसे यांची उपस्थिती होती. जयंतीनिमित्त विद्यार्थ्यांसाठी वक्तृत्व स्पर्धा घेण्यात आली. यामध्ये अनेक विद्यार्थ्यांनी सहभागी होऊन विचार व्यक्त केले. यावेळी रामसिंग चव्हाण, जगदीश सुरवसे यांनी विद्यार्थ्यांना मार्गदर्शन केले. तसेच विद्यार्थ्यांनी शिवरायांच्या जीवनावरील विविध गीतांवर सादरीकरण केले. तसेच नाटिका सादर केली. कार्यक्रमाचे प्रास्ताविक अबूबकर पटेल यांनी केले. सूत्रसंचालन स्नेहा शिवपुरे यांनी तर काजल गघिलोत यांनी आभार मानले.