डी फार्मसी पदविका प्रवेश प्रक्रियेला सोमवार दि. 10 ऑगस्ट 2020 पासून सुरुवात

प्रतिनिधी / लोहारा

महाराष्ट्र राज्य तंत्र शिक्षण संचालनालयाच्या वतीने डी फार्मसी पॉलिटेक्निक,  हॉटेल मॅनेजमेंट अँड केटरिंग टेक्नॉलॉजी, सरफेस कोटिंग टेक्नॉलॉजी या विषयांचे पदविका अभ्यासक्रम दिनांक 10 ऑगस्ट 2020 पासून ऑनलाईन व ऑफलाईन महाविद्यालयात सुरू करण्यात येत आहेत. ऑनलाइन (Online) प्रवेश प्रक्रिया DTE  महाराष्ट्र यांच्या www. dte maharashtra. org. in या संकेतस्थळावरून ई रजिस्ट्रेशन विद्यार्थ्यांना करता येईल तसेच फिजिकल प्रजेंस  राहुन (Offline) महाविद्यालयात सुद्धा  प्रवेश प्रक्रियेसाठी अर्ज करण्याची सुविधा करण्यात आलेली आहे. विद्यार्थ्यांनी महाविद्यालयात सुविधा केंद्रावर (FC) येताना covid-19 च्या प्रादुर्भावामुळे सोशल डिस्टंसिंग शासनाने ठरवून दिलेल्या नियमांचे काटेकोर पालन करणे आवश्यक आहे. त्यामध्ये  विद्यार्थी व सोबतच्या पालकांनी मास्क वापरणे, सॅनिटायजर वापर करणे, सोशल डिस्टंसिंग चे पालन करणे आवश्यक आहे अशी माहिती उमरगा येथील तात्यारावजी मोरे कॉलेज ऑफ फार्मसीचे प्राचार्य कवलजीत सतिश बिराजदार यांनी दिली.