लोहारा प्रतिनिधी -
शिवजयंती मनामनात, शिवजयंती घराघरात या उपक्रमांतर्गत उत्कृष्ठ कार्य केल्याबद्दल उस्मानाबाद तालुक्यातील बेंबळी येथील तानाजी खापरे यांचा माजी केंद्रीय कृषिमंत्री मा. शरदचंद्र पवार साहेब यांच्या हस्ते सत्कार करण्यात आला.
अखिल भारतीय शिवजन्मोत्सव समिती, पुणे यांच्या वतीने आयोजित कार्यक्रमात राज्यभरातील विविध मान्यवरांचा त्यांच्या सामाजिक कार्याबद्दल यथोचित सन्मान करण्यात आला. या कार्यक्रमासाठी माजी केंद्रीय कृषिमंत्री मा. खा. शरदचंद्र पवार साहेब, ज्येष्ठ इतिहास संशोधक मा. म. देशमुख, उच्च न्यायालयाचे माजी न्यायमूर्ती बी. जी. कोळसे पाटील, विकास पासलकर, माजी विभागीय आयुक्त प्रभाकर देशमुख, स्वराज्य रक्षक संभाजी या मालिकेचे लेखक प्रताप गंगावणे, स्वराज रक्षक संभाजी या मालिकेत छत्रपती शिवाजी महाराज यांची भूमिका साकारणारे शंतनू मोघे यांची प्रमुख उपस्थिती होती.
या कार्यक्रमात शिवजयंती मनामनात, शिवजयंती घराघरात या उपक्रमांतर्गत उत्कृष्ठ कार्य केल्याबद्दल उस्मानाबाद तालुक्यातील बेंबळी येथील तानाजी खापरे यांचा माजी केंद्रीय कृषिमंत्री मा. शरदचंद्र पवार साहेब यांच्या हस्ते सत्कार करण्यात आला. या कार्यक्रमाचे आयोजन समितीचे अध्यक्ष विकास पासलकर यांनी केले होते. याबद्दल तानाजी खापरे पाटील यांचे अभिनंदन होत आहे.
No comments:
Post a Comment