प्रतिनिधी / लोहारा
राष्ट्रवादी काँग्रेसचे अध्यक्ष शरद पवार यांच्याविषयी अपशब्द वापरल्यामुळे गोपीचंद पडळकर यांच्यावर गुन्हा दाखल करण्यात यावा अशी मागणी लोहारा तालुका राष्ट्रवादी काँग्रेस पार्टीच्या वतीने करण्यात आली आहे. याबाबत गुरुवारी ( दि. २५) तहसीलदार यांना निवेदन देण्यात आले आहे.
या निवेदनात म्हटले आहे की, भारतीय जनता पक्षाच्या गोपीचंद पडळकर या आमदाराने राष्ट्रवादी काँग्रेसचे अध्यक्ष
शरद पवार यांच्याबद्दल एका वृत्तवाहिनीवर अपशब्द वापरून अवमान केला आहे. पडळकराच्या माध्यमातून भाजपचा मराठा व धनगर समाजामध्ये वाद निर्माण करण्याचा हा डाव आहे. आणि तो डाव आम्ही कदापीही यशस्वी होऊ देणार नाही. निव्वळ प्रसिद्धीच्या हव्यासापोटी अपशब्द वापरल्याने कार्यकर्त्यांच्या भावना दुखावल्या गेल्या आहेत. पडळकर यांच्यावर गुन्हा दाखल करण्यात यावा अशी मागणी या निवेदनाद्वारे केली आहे. यावेळी सुनील साळुंके, प्रकाश भगत, गोविंदराव साळुंके, विजय लोमटे, हेमंत माळवदकर, नवाज सय्यद, राजेंद्र कदम, मिलिंद नागवंशी, सचिन रनखांब, विशाल गोरे, किरण पाटील, मनोज देशपांडे आदी कार्यकर्ते उपस्थित होते.
