उमरगा येथील तात्यारावजी मोरे कॉलेज ऑफ फार्मसी महाविद्यालयात ड्रग डिस्कव्हरी अँड अँपोर्चीनिटी इन अब्रॉड या विषयावर डॉ. विरसिंग रेड्डी यांचे विद्यार्थ्यांना मार्गदर्शन

प्रतिनिधी / उमरगा

उमरगा येथील भारत शिक्षण संस्था संचलित तात्यारावजी मोरे कॉलेज ऑफ  फार्मसी येथे  डॉ. विरसिंग रेड्डी यांनी ड्रग डिस्कव्हरी अँड अँपोर्चीनिटी इन अब्रॉड या विषयावर विद्यार्थ्यांना मार्गदर्शन केले. डॉ. विरसिंग रेड्डी यांची एमएससी केमेस्ट्री पुर्ण झाली आहे. त्यांनी I.I.S.E.R मोहली मधून डॉक्टरेट पदवी प्राप्त केली आहे. सध्या ते यूनिवर्सिटी ऑफ़ केपटाउन, साउथ आफ्रीका येथे पोस्ट डॉक्टरेट करत आहेत. औषधे निर्मिती करताना नैसर्गिक व रासायनिक पदार्थ आवश्यक असतात. लागणारी रासायनिक पदार्थ, त्या पदार्थांचा शोध व त्यावर  केल्या जाणाऱ्या  प्रकिया व त्या पदार्थांचे प्रमाण,  गुणवत्ता कशाप्रकारे ठरविण्यात येते याविषयी त्यांनी मार्गदर्शन केले. शिवाय फार्मसीच्या विद्यार्थ्यांना परदेशात असणाऱ्या नोकरीच्या संधी काय आहेत, कशा प्रकारे हस्तगत करता येतील, देशात फार्मसी शिक्षणाचे महत्त्व याबद्द्ल सविस्तर माहीती सांगितली. यावेळी प्रा. प्रशांत माने यांनी त्यांचे शाल, श्रीफळ देऊन सत्कार करण्यात आला. प्रा. सुरज भगत यांनी कार्यक्रमाचे सूत्रसंचालन केले. यावेळी प्रा. प्रदीप डीग्गे, प्राध्यापिका पुजा भावे उपस्थित होते.