विद्यामाता इंग्लिश स्कुल चे नववे वार्षिक स्नेह संमेलन उत्साहात संपन्न

प्रतिनिधी / लोहारा

तालुक्यातील धानुरी येथील विद्यामाता इंग्लिश स्कुल चे नववे वार्षिक स्नेहसंमेलन संपन्न झाले. यावेळी चिमुकल्यांनी विविध प्रकारच्या गीतांवर नृत्य सादर करून उपस्थितांची मने जिंकली.
                      या कार्यक्रमाच्या अध्यक्षस्थानी जि प चे माजी उपाध्यक्ष अशोकराव जवळगे होते. पंचायत समितीच्या सभापती हेमलता रनखांब यांच्या हस्ते उद्घाटन करण्यात आले. यावेळी पं स उपसभापती व्यंकट कोरे यांची प्रमुख उपस्थिती होती. यावेळी स्कुल च्या चिमुकल्यानी बालगीते, आदिवासी गीत, शेतकरी गीत यासह विविध प्रकारच्या गीतांवर नृत्य सादर करून उपस्थित पालकांची मने जिंकली. यावेळी नृत्याच्या माध्यमातून मुलगी वाचवा या विषयी सादरीकरण केले. राष्ट्रीय स्तरावरील नृत्य स्पर्धेत या स्कुल ने तृतीय क्रमांक पटकावला. २५ गोल्ड मेडल मिळवत घवघवीत यश संपादन केले. तसेच ऑलम्पियाड स्पर्धा परीक्षेत विद्यार्थ्यांनी गोल्ड मेडल मिळवले आहे. या सर्व स्पर्धांमधील विद्यार्थ्यांचे मान्यवरांच्या हस्ते कौतुक करण्यात आले. कार्यक्रमाचे प्रास्ताविक मुख्याध्यापिका हिरा सोलापूरे यांनी केले. सुत्रसंचालन मनिषा शिंदे यांनी केले. या कार्यक्रमासाठी मुख्याध्यापिका हिरा सोलापूरे, सहशिक्षिका अश्विनी कारभारी, गजाला सय्यद, लता भोसले, सुनीता सलगरकर, यशोधरा बनसोडे, विद्या फुलसुंदर, मनीषा तेलकर, सोनाली माळेगावे, प्रिती वलदोडे, संतोषी घंटे, सोमनाथ कुसळकर यांच्यासह शिक्षकेत्तर कर्मचाऱ्यांनी परिश्रम घेतले.