लोहारा शहरातील नेताजी सुभाष चंद्र बोस कनिष्ठ महाविद्यालय येथे क्रांतीज्योती सावित्रीबाई फुले यांची जयंती साजरी

प्रतिनिधी / लोहारा

लोहारा शहरातील वसंतदादा पाटील हायस्कूल संलग्न नेताजी सुभाष चंद्र बोस कनिष्ठ महाविद्यालय येथे क्रांतीज्योती सावित्रीबाई फुले यांची जयंती साजरी करण्यात आली.
              या कार्यक्रमाच्या अध्यक्षस्थानी प्राचार्य यु व्ही पाटील होत्या. यावेळी जिजाऊ ब्रिगेड तालुकाध्यक्षा रंजना हासुरे, माजी नगराध्यक्षा पौर्णिमा लांडगे यांची प्रमुख उपस्थिती होती. कार्यक्रमाची सुरुवात क्रांतीज्योती सावित्रीबाई फुले यांच्या प्रतिमा पूजनाने करण्यात आली. यावेळी क्रांतीज्योती सावित्रीबाई फुले यांची वेशभूषा करून आलेल्या मुलींचाही विशेष गौरव करण्यात आला. कार्यक्रमाचे प्रास्ताविक सुलोचना रसाळ यांनी केले. प्रास्ताविका नंतर शाळेतील विद्यार्थ्यांनी क्रांतीज्योती सावित्रीबाई फुले यांच्या जीवनावर भाषणे केली. यावेळी रंजना हासुरे यांनी विद्यार्थ्यांना सावित्रीबाई फुले यांच्या जिवन कार्याबद्दल माहिती दिली. तसेच अध्यक्षीय समारोपात प्राचार्य यु व्ही पाटील यांनी सध्याच्या काळातील मुली व  त्यांचा संघर्ष याविषयी माहिती दिली. कार्यक्रमाचे सूत्रसंचालन डी व्ही धनवडे यांनी तर प्रा. एस डी शिंदे यांनी आभार मानले. यावेळी शाळा, महाविद्यालयातील सर्व शिक्षक, शिक्षकेतर कर्मचारी व विद्यार्थी उपस्थित होते.