सास्तुर येथील निवासी दिव्यांग शाळेत ज्ञानज्योती सावित्रीबाई फुले जयंती निमित्त 'लेक वाचवा, लेक शिकवा' अभियानास प्रारंभ

प्रतिनिधी / लोहारा

ज्ञानज्योती सावित्रीबाई फुले यांच्या जयंतीनिमित्तशुक्रवारी ( दि. ३) तालुक्यातील सास्तूर येथील निवासी दिव्यांग शाळेत लेक वाचवा, लेक शिकवा अभियानाची सुरूवात करण्यात आली. यावेळी शाळेतील विद्यार्थिनींनी सावित्रीबाई फुले, महात्मा ज्योतिबा फुले, फातिमा शेख, राष्ट्रमाता जिजाऊ, आनंदीबाई जोशी, गानकोकीळा लता मंगेशकर, किरण बेदी यांच्या वेषभूषा केल्या होत्या. या विद्यार्थिनींच्या हस्ते सावित्रीबाई फुले यांच्या प्रतिमेचे पुजन करण्यात आले. यावेळी प्रशालेचे मुख्याध्यापक बी.टी.नादरगे यांनी सावित्रीबाई फुले यांच्या जीवनकार्याबाबत दिव्यांग विद्यार्थ्यांना माहिती दिली. तसेच दिव्यांग मुलींनी बालिका दिनानिमित्त सक्षम महिला होण्यासाठी प्रतिज्ञा म्हटली. दिव्यांग विद्यार्थ्यांनी आपल्या भाषणातून सावित्रीबाईंच्या कार्याचा उहापोह केला. दि. ३ ते २६ जानेवारी २०२० या कालावधीत शाळेत विविध कार्यक्रमांचे आयोजन करून 'लेक वाचवा, लेक शिकवा' अभियान राबविण्यात येणार आहे. या कार्यक्रमासाठी डॉ. एम.आर.कुलकर्णी, शाळेतील शिक्षिका अंजली चलवाड, संध्या गुंजारे, यास्मिन शेख, शिक्षक रमाकांत ईरलापल्ले, आर. पी.गुंडूरे, बी.बी. गुणाले, प्रविण वाघमोडे, विठ्ठल शेळगे तसेच शिक्षकेतर कर्मचारी निजवंते अप्पा, ज्ञानोबा माने, शंकर गिरी, गोरख पालमपल्ले, एन.सी.सुर्यवंशी, निशांत सावंत, अनिल थोरमोठे, सुरेखा परीट, किरण मैंदर्गी, गिर्दवाड, कविता भंडारे आदींची उपस्थिती होती. या सर्वांनी कार्यक्रमाच्या यशस्वितेसाठी प्रयत्न केले.
कार्यक्रमाचे सुत्रसंचालन दिव्यांग विद्यार्थी गौरव करदोरे याने तर प्रशांत भोसले याने आभार मानले.