प्रतिनिधी / लोहारा
एकात्मिक बाल विकास सेवा प्रकल्प लोहारा कार्यालयाच्या वतीने बेटी बचाव , बेटी पढाव या सप्ताहा अंतर्गत लोहारा येथे शनिवारी ( दि. २५) राष्ट्रीय बालिका दिन साजरा करण्यात आला. यावेळी पंचायत समितीच्या सभापती हेमलता रणखांब, माजी सभापती अश्विनी पाटील, नगरसेविका जयश्री कांबळे, प्रभारी बालविकास प्रकल्प अधिकारी एम .एस. जमादार यांची प्रमुख उपस्थिती होती. एकात्मिक बाल विकास सेवा प्रकल्प कार्यालयाच्या वतीने दि. २० जानेवारी ते २६ जानेवारी या कालावधीत तालुक्यात बेटी बचाव, बेटी पढाव या उपक्रमाचे आयोजन करण्यात आले होते. या सप्ताहात तालुक्यातील विविध अंगणवाडी येथे विविध कार्यक्रम घेण्यात आले. या कार्यक्रमाचे प्रास्ताविक प्रभारी बालविकास प्रकल्प अधिकारी एम. एस. जमादार यांनी केले. या कार्यक्रमात अंगणवाडी कार्यकर्ती वंदना भगत यांनी उपस्थित मान्यवरांना जिजाऊ चरित्र भेट दिले. या कार्यक्रमासाठी सुपरवायझर माया जाधव, आशा कुलकर्णी, मुक्ता रणसुरे, सुनीता बायस, अंगणवाडी कार्यकर्ती संघटना तालुकाध्यक्ष सुनीता कदम यांच्यासह अंगणवाडी कार्यकर्ती, मदतनीस उपस्थित होत्या. यावेळी पाककृती प्रदर्शन घेण्यात आले.
No comments:
Post a Comment