लोहारा - अशोकराजे सरवदे यांच्या वाढदिवसानिमित्त गरजूंना जीवनावश्यक वस्तू व मास्क चे वाटप

प्रतिनिधी / लोहारा

मुंबई येथील भायखळा जिल्हा कारागृहात पोलीस कर्मचारी म्हणून कार्यरत तालुक्यातील सास्तुर येथील रहिवासी अशोकराजे सरवदे यांच्या वाढदिवसानिमित्त मंगळवारी ( दि. ५) त्यांच्या चाहत्यांनी तालुक्यातील अनेक गावांत गरजूंना जीवनावश्यक वस्तूंचे वाटप करून साजरा केला.

                    तालुक्यातील सास्तुर येथील अशोकराजे सरवदे हे मुंबई भायखळा जिल्हा कारागृहात पोलीस कर्मचारी पदावर आहेत.  कोरोना हॉटस्पॉट भागात ते राहतात. त्यामुळे २५ दिवस होम कोरोन्टाईन होऊन ते नुकतेच कामावर रुजू झाले आहेत. अशातच मंगळवारी ( दि. ५) त्यांचा वाढदिवस. सध्या लॉकडाऊन मुळे हातावर पोट असणाऱ्या शेतमजूर, कामगारांना जगण्यासाठी अनेक अडचणी निर्माण झाल्या आहेत. त्यामुळे अशा लोकांना थोडीशी मदत म्हणून या वाढदिवसाच्या निमित्ताने तालुक्यातील सरवदे यांच्या चाहत्यांनी गरजूंना जीवनावश्यक वस्तूंचे वाटप करण्याचा निर्णय घेतला. त्यानुसार तालुक्यातील लोहारा, राजेगाव, एकोंडी, होळी, सास्तूर, तोरंबा, हराळी, धानुरी आदी गावात जाऊन गरजूंना जीवनावश्यक वस्तू व मास्क देण्यात आले.