लोहारा तालुक्यातील दक्षिण जेवळी येथील सेवानिवृत्त मुख्याध्यापक व सोलापूर येथे वैद्यकीय सेवा देणारे डॉक्टर दाम्पत्यांनी सामाजिक ऋण म्हणून गावातील ४२ गरजू निराधार गरीब कुटुंबाना वाटप केले जीवनावश्यक वस्तूंचे कीट

प्रतिनिधी / लोहारा

लोहारा तालुक्यातील दक्षिण जेवळी येथील सेवानिवृत्त मुख्याध्यापक व सोलापूर येथे वैद्यकीय सेवा देणारे डॉक्टर दाम्पत्यांनी आपला शेजारी उपाशीपोटी राहू नये यासाठी सामाजिक ऋण म्हणून गावातील ४२ गरजू निराधार गरीब कुटुंबाना जीवनावश्यक वस्तूंच्या कीटचे वाटप केले.

                  कोरोनामुळे सर्वच उद्योगधंदे बंद झाले आहेत. मजूर आणि शेतमजुरांना हाताला कामे नाहीत. शहरातील मोठ्या प्रमाणावर नागरिक गावाकडे आलेले आहेत. अनेकांच्या रोजीरोटीचा गंभीर प्रश्न निर्माण झाले आहे. अशा वेळी सोलापूर येथे वैद्यकीय सेवा देत असलेले डॉ. संगमनेर बिरादार, डॉ. स्नेहा बिरादार, सेवानिवृत्त मुख्याध्यापक बी.एम.बिरादार, शिवपार्वती बहुउपयोगी सामाजिक संस्थेच्या अध्यक्षा सुषमा तोळणुरे यांनी गावातील विधवा, निराधार, अपंग आणि विविध आजारांनी त्रस्त अशा गावातील ४२ गरजू कुटुंबीयांना जीवनावश्यक वस्तूंचे कीट देण्यात आले.

 यावेळी कोरोनाचा सामना कसा करावा याबाबत डॉ. संगमनेर बिरादार यांनी माहिती देऊन प्रशासनाला सहकार्य करण्याचे आवाहन केले. यावेळी जि.प.सदस्या शोभाताई तोरकडे, पंचायत समितीचे उपसभापती व्यंकट कोरे, सरपंच चंद्रकांत साखरे, उपसरपंच पार्वती पाटील, सेवानिवृत्त मुख्याध्यापक बी.एम.बिरादार, तंटामुक्त अध्यक्ष शिवाजी पाटील, मुरूम बाजार समितीचे संचालक श्यामसुंदर तोरकडे, युवासेना तालुका उपप्रमुख शिवराज चिनगुंडे, जेष्ठ नागरिक हणमंतप्पा भुसाप्पा, दौलप्पा तोरकडे, विवेकानंद बिराजदार, प्रविण बोदाडे, संगप्पा मुखे, बसवराज होनाजे हे उपस्थित होते.