प्रतिनिधी / उमरगा
सध्या कोरोनामुळे जनजीवन ठप्प झाले आहे. कोरोनाचा संसर्ग वाढल्यास रक्तदान करणे अवघड जाईल. त्यामुळे वेगवेगळ्या ठिकाणी रक्तदान आयोजीत करुन येणाऱ्या काळाचा सामना करण्यासाठी आपण सज्ज असले पाहिजे तसेच रक्ताची कमतरता झाल्याने रक्तदानाची विनंती श्रीकृष्ण रक्तपेढीने केली होती. त्या अनुशंगाने उस्मानाबाद जिल्हा मध्यवर्ती बँकेचे अध्यक्ष तथा राष्ट्रवादी काँग्रेसचे जिल्हाध्यक्ष प्रा. सुरेश बिराजदार यांनी राष्ट्रवादी रक्तदान अभियान सुरू केले आहे. उमरगा तालुक्यातील जिल्हा मध्यवर्ती बँकेच्या कर्मचाऱ्यांनाही याबाबत आवाहन केले होते. त्यानुसार उमरगा तालुक्यातील जिल्हा बँक कर्मचाऱ्यांच्या वतीने शनिवारी ( दि. ३०) उमरगा शाखेत रक्तदान शिबीराचे आयोजन करण्यात आले होते.
या आवाहनाला प्रतिसाद देत अनेक कर्मचाऱ्यांसह इतरांनीही सकाळपासुनच रक्तदानासाठी उमरगा बँक शाखेत सुरुवात केली होती. रक्तदानावेळी सोशल डिस्टन्सचे भान ठेवत एक-एक जण जाऊन रक्तदान केले. याप्रसंगी राष्ट्रवादी काँग्रेसचे जिल्हाध्यक्ष तथा जिल्हा मध्यवर्ती बँकेचे चेअरमन प्रा. बिराजदार, भाऊसाहेब बिराजदार बँकेचे माजी अध्यक्ष सुनील माने यांची प्रमुख उपस्थिती होती.
याप्रसंगी श्रीकृष्ण रक्तपेढीचे डॉ. सागर पतंगे, प्रा. अभयकुमार हिरास, लॅब टेक्नीशीएन बाळु पवार उपस्थित होते. या शिबिरात बालाजी सगर, देविदास शिंदे, कपिल मस्के, शिवराज मदने, स्नेहल दुर्गे, अजय सूर्यवंशी, शिवाजी पाटील, नरहरी बारसे, प्रदीप गावकरे, सचिन केशवशेट्टी, अमोल सगर आदी कर्मचारी व नागरीकांनी रक्तदान केले.
No comments:
Post a Comment