प्रतिनिधी / लोहारा
कोरोनाचा धोका उस्मानाबाद जिल्ह्यात वाढत चालला आहे. या परिस्थितीत डॉक्टर सोबत आशा कार्यकर्त्याही आपल्या जीवाची पर्वा न करता या लढ्यामध्ये मोठ्या धैर्याने सामना करत आहेत. याची जाणीव ठेवून राष्ट्रवादी काँग्रेस पक्षाचे जिल्हाध्यक्ष सुरेश बिराजदार व डॉक्टर सेलचे जिल्हाध्यक्ष अविनाश तांबारे यांच्या सूचनेनुसार लोहारा तालुक्यातील सर्व आशा कार्यकर्त्यांना फेस शिल्डचे वाटप करण्यात येत आहे. त्या अनुषंगाने मंगळवारी ( दि. १९) लोहारा येथे तालुका आरोग्य अधिकारी कार्यालयात प्रातिनिधिक स्वरूपात आशा कार्यकर्तींना फेस शिल्ड चे वाटप करण्यात आले. यावेळी तालुका आरोग्य अधिकारी डॉ. अशोक कटारे, राष्ट्रवादी काँग्रेस पक्षाचे ज्येष्ठ नेते गोविंद साळुंके, राजेंद्र कदम, सुनील साळुंके, विजय लोमटे, नगरसेवक गगन माळवदकर, हेमंत माळवदकर, संजय जाधव, प्रकाश भगत, दादा पाटील, पृथ्वीराज जगताप, शैलेश चंदनशिवे, मेहबूब शेख, नवाज सय्यद, प्रशांत हाके, मुक्तार चाउस, निहाल मुजावर, गोपाळ माने उपस्थित होते. यांच्या उपस्थितीत लोहारा शहरातील आशा कार्यकर्त्यांना फेस-शिल्ड चे वाटप करण्यात आले आहे. तालुक्यातील सर्व आशा कार्यकर्तींना फेस शिल्ड देण्यात येणार असल्याचे यावेळी सांगण्यात आले. यावेळी डॉ. अशोक कटारे यांनी सध्याच्या परिस्थितीबद्दल उपस्थितांशी चर्चा केली.
No comments:
Post a Comment