प्रतिनिधी / लोहारा
येणाऱ्या खरीप हंगामाच्या अनुषंगाने कृषी विभागाकडून तयारी सुरू आहे. या हंगामात सोयाबीन बियाणांचा तुटवडा भासणार असल्याचे संकेत आहेत. त्यामुळे घरगुती बियाणे वापरासंबंधीचे प्रयोगाद्वारे मार्गदर्शन करण्यात येत आहे. तालुक्यातील हिप्परगा ( सय्यद) चे कृषी सहाय्यक दिपक जाधव हे गावात जाऊन सोयाबीन उगवण क्षमतेचे प्रयोग शेतकऱ्यांनासोबत घेत आहेत.
तालुक्यातील हिप्परगा ( सय्यद), करवंजी येथे कृषी सहाय्यक दिपक जाधव हे स्वतः जाऊन शेतकऱ्यांना मार्गदर्शन करत आहेत. यावेळी सोयाबीन उगवण क्षमता प्रयोगासोबतच बीबीएफ पेरणी यंत्राने पेरणी केल्याचे काय फायदे आहेत, माती परीक्षण करून खतांची मात्रा ठरविणे आदी अनेक विषयांवर ते शेतकऱ्यांना मार्गदर्शन करत आहेत.
या हंगामात सोयाबीन बियाण्याचा तुटवडा निर्माण होण्याची शक्यता वर्तवली जात आहे. त्यामुळे शेतकऱ्यांनी उपलब्ध बियाण्याची उगवण क्षमता पाहून पेरणी करावे असे आवाहन कृषी विभागाकडून करण्यात येत आहे. या उपक्रमामुळे शेतकऱ्यांना दिलासा मिळणार आहे. तालुक्यातील हिप्परगा ( सय्यद), करवंजी येथे जाऊन याबाबत शेतकऱ्यांना मार्गदर्शन करण्यात आले. यावेळी सरपंच नागनाथ सदाशिव पाटील, पोलीस पाटील संतोष यादव, लक्ष्मण मोरे, गुरुनाथ आपचुंदे, मल्लिनाथ कार्ले, श्रीशैल्य ओवंडे, दयानंद ओवंडे आदी शेतकरी उपस्थित होते.
No comments:
Post a Comment