प्रतिनिधी / लोहारा
लोहारा तालुक्यातील सर्व कृषी सेवा केंद्र तीन दिवसांसाठी बंद राहतील. याबाबत लोहारा तालुका कृषी निविष्ठा विक्रेते संघटनेच्या वतीने गुरुवारी ( दि. ९) तहसीलदार, तालुका कृषी अधिकारी, गटविकास अधिकारी यांना निवेदन दिले आहे.
या निवेदनात म्हटले आहे की, राज्य संघटनेने विक्रेत्यांच्या काही मागण्यांसाठी व सद्य परिस्थितीत विक्रेत्यांवर कोणताही अन्याय होऊ नये यासाठी शासनाचे लक्ष वेधण्यासाठी तीन दिवसीय बंद पुकारला आहे. या बंद मध्ये उस्मानाबाद जिल्हा फर्टिलायझर्स पेस्टीसाईड्स सिड्स डिलर्स असोसिएशन सहभागी आहे. त्याप्रमाणे उस्मानाबाद जिल्ह्यातील सर्व कृषी सेवा केंद्र तीन दिवस बंद राहणार आहेत. त्यानुसार राज्य संघटनेच्या पत्रानुसार आम्हीही या संपात सहभागी असून तीन दिवस तालुक्यातील सर्व कृषी सेवा केंद्र बंद राहतील याबाबत लोहारा तालुका कृषी निविष्ठा विक्रेते संघटनेच्या वतीने तहसीलदार, तालुका कृषी अधिकारी, गटविकास अधिकारी यांना निवेदन दिले आहे. या निवेदनावर तालुकाध्यक्ष सागर पाटील, सचिव नाना पाटील, उपाध्यक्ष नेताजी ओवांडकर यांच्या सह्या आहेत.
No comments:
Post a Comment